မင်္ဂလာပါ
တရားရေးဝန်ကြီးဌာန (Ministry of Justice) သည် ခိုလှုံခွင့်အယူခံဝင်မှုများနှင့် ပတ်သက်သည့် အသိပေးချက်ပို့ဆောင်သည့် ဝန်ဆောင်မှုကို ကာကာအိုတော့ခ် (KakaoTalk) မက်ဆေ့ချ်များ သို့မဟုတ် စာတိုမက်ဆေ့ချ်များမှတစ်ဆင့် စတင်ပေးအပ်ခဲ့သည်။ ဤဝန်ဆောင်မှုသည် ခိုလှုံခွင့်အယူခံဝင်ခြင်း လုပ်ထုံးလုပ်နည်းများကို လွယ်ကူစေရန် ရည်ရွယ်သည်။ အယူခံလျှောက်ထားခြင်းဝန်ဆောင်မှုအကြောင်း သိလိုပါက ယနေ့သတင်းကို ကြည့်ရှုပါ။
ခိုလှုံခွင့်အယူခံဝင်ရန် လိုအပ်သူများအတွက် အသိပေးချက်ဝန်ဆောင်မှု စတင်ခြင်း
ဤဝန်ဆောင်မှုကို အဘယ်ကြောင့် စတင်ပေးအပ်ခဲ့သနည်း။
အသိပေးချက်ဝန်ဆောင်မှုကို တရားရေးဝန်ကြီးဌာန၏ ဒုက္ခသည်များနှင့် ပတ်သက်သည့် အယူခံလုပ်ထုံးလုပ်နည်းများကို နားလည်ပြီး လိုက်လံကြည့်ရှုနိုင်ရန် စတင်ခဲ့ခြင်းဖြစ်သည်။ ဤဝန်ဆောင်မှုသည် ခိုလှုံခွင့်လျှောက်လွှာ ပယ်ချခံရသူများ၊ ဖျက်သိမ်းခံရသူများ သို့မဟုတ် ရုပ်သိမ်းခံရသူများနှင့် သက်ဆိုင်သည်။
အသိပေးချက်ဝန်ဆောင်မှုကို မည်သူများ ရရှိနိုင်သနည်း။
အောက်ပါအသိပေးချက်များ ရရှိသူများသည် ဝန်ဆောင်မှု၏ အကျိုးခံစားခွင့်ရသူများ ဖြစ်သည်။
ဒုက္ခသည်အဆင့်အတန်း အသိအမှတ်မပြုကြောင်း အသိပေးချက်- လူဝင်မှုကြီးကြပ်ရေးရုံးမှ ဒုက္ခသည်အဆင့်အတန်း မရရှိကြောင်း ဆုံးဖြတ်ချက် (လူသားချင်းစာနာမှုဆိုင်ရာ နေထိုင်ခွင့်ခွင့်ပြုသည့် ဆုံးဖြတ်ချက် အပါအဝင်)။ *
* ဒုက္ခသည်အဆင့်အတန်း ဖျက်သိမ်းကြောင်း အသိပေးချက်- အတုအပစာရွက်စာတမ်းများ တင်ပြခြင်း၊ မမှန်သော ကြေညာချက်များ ပေးခြင်း သို့မဟုတ် အချက်အလက်များ ဖုံးကွယ်ခြင်းဖြင့် ဆုံးဖြတ်ချက်ချခဲ့ကြောင်း ထင်ရှားသည့်အခါ ဒုက္ခသည်အဆင့်အတန်း အသိအမှတ်ပြုသည့် ဆုံးဖြတ်ချက်ကို နောက်ကြောင်းပြန်၍ ပယ်ဖျက်ခြင်း
* ဒုက္ခသည်အဆင့်အတန်း ရုပ်သိမ်းကြောင်း အသိပေးချက်- အသိအမှတ်ပြုခံရသော ဒုက္ခသည်သည် မိမိနိုင်ငံသားဖြစ်မှု ဆုံးရှုံးပြီးနောက် မိမိအလိုအလျောက် နိုင်ငံသားဖြစ်မှုကို ပြန်လည်ရယူသည့်အခါ၊ သို့မဟုတ် ဒုက္ခသည်အဆင့်အတန်း အသိအမှတ်ပြုရန် ဆုံးဖြတ်ချက်၏ အဓိကအကြောင်းရင်းများ ရပ်စဲသွားသောကြောင့် မိမိမွေးရပ်နိုင်ငံ၏ ကာကွယ်စောင့်ရှောက်မှုကို ငြင်းပယ်၍ မရတော့သည့်အခါ စသည်တို့တွင် ဒုက္ခသည်အဆင့်အတန်း အသိအမှတ်ပြုသည့် ဆုံးဖြတ်ချက်ကို ရပ်ဆိုင်းခြင်း
ဝန်ဆောင်မှုကို မည်သို့ အကောင်အထည်ဖော်မည်နည်း။
ပထမဦးစွာ သင့်ဖုန်းရှိ ကာကာအိုတော့ခ် (KakaoTalk) အက်ပ်မှတစ်ဆင့် မက်ဆေ့ချ်တစ်စောင် ရရှိမည်။ ကာကာအိုတော့ခ်အက်ပ်သို့ မက်ဆေ့ချ် မရောက်ပါက နောက်တစ်နေ့တွင် စာတိုမက်ဆေ့ချ်ဖြင့် အသိပေးချက်ကို ရရှိမည်။
ဤဝန်ဆောင်မှုကို မည်သည့်အချိန်မှ စတင်မည်နည်း။
၂၀၂၂ ခုနှစ် မေလ ၂၆ ရက် (ကြာသပတေးနေ့) မှ စတင်၍
အသိပေးချက်တွင် မည်သည့်အကြောင်းအရာများ ပါဝင်သနည်း။
ခိုလှုံခွင့်အယူခံဝင်ခြင်းလုပ်ငန်းစဉ် လမ်းညွှန်ကို ဘာသာစကား ၆ မျိုးဖြင့် pdf ဖိုင်လင့်ခ်မှတစ်ဆင့် ရရှိနိုင်သည်။
သင်သည် အောက်ပါလင့်ခ်မှ ‘ခိုလှုံခွင့်အယူခံဝင်ခြင်းလုပ်ငန်းစဉ် လမ်းညွှန်‘ ကိုလည်း ဖတ်ရှုနိုင်သည်
ခိုလှုံခွင့်အယူခံဝင်ခြင်းလုပ်ငန်းစဉ် လမ်းညွှန်
ကိုရီးယား၊ အင်္ဂလိပ်နှင့် တရုတ်ဘာသာစကား
ပြင်သစ်၊ ရုရှားနှင့် အာရဗီဘာသာစကား
